​​Limaj e Gashi flasin me Eiden për platformën e dialogut me Serbinë

0
0

Dy zëvendëskryeministrat e Kosovës, Fatmir Limaj dhe Dardan Gashi, sot kanë takuar ish të dërguar e Komeve të Bashkuara për Kosovës, diplomatin norvegjez, Kai Eide.

Limaj ka theksuar se në takim biseduan për proceset në të cilat po kalon vendi.

“Bashkë me zëvendëskryeministrin Dardan Gashi, takuam diplomatin e shquar norvegjez, Kai Eide. Biseduam për proceset në të cilat po kalon vendi. z. Eide, si një njohës i mirë i realitetit në Kosovë, u interesua të dijë për punën e delegacionit shtetëror për Bisedime me Serbinë. E njoftuam diplomatin Eide për punën e delegacionit në finalizimin e platformës për bisedime me Serbinë.

“Platforma është në frymë të Kushtetutës së vendit dhe në vendimin e Gjykatës Ndërkombëtarë të Drejtësisë. Përmes platformës ne synojmë ta paraqesim zërin unik të Kosovës i cili do ta reflektojë edhe pozicionin zyrtar të vendit në bisedimet me Serbinë. Bashkërisht u pajtuam se procesi i dialogut Kosovë-Serbi është shumë i rëndësishëm dhe se për Kosovën është shumë me rëndësi të ketë një zë në këtë proces”, ka shkruar Limaj në Facebook.

PËRGJIGJU

Ju lutemi shkruani nje koment
Ju lutemi shkruajeni emrin tuaj ketu